Yangiliklar

  1. Asosiy
  2. Yangiliklar

Shanba — sport kuni: Akademik litseyimizda futbol bo‘yicha shiddatli bahslar bo‘lib o‘tdi! Yoshlar o‘rtasida sog‘lom turmush tarzini targ‘ib qilish, ularning jismoniy faolligini oshirish va bo‘sh vaqtlarini mazmunli tashkil etish maqsadida litseyimizda navbatdagi "Shanba — sport kuni" yuqori ko‘tarinkilikda o‘tdi. Ushbu sport kuni doirasida guruhlar o‘rtasida futbol musobaqasi tashkil etildi. Yashil maydonda kechgan qizg‘in va murosasiz bahslarda yoshlarimiz haqiqiy jamoaviy birdamlik, epchillik va chiroyli to‘p uzatishlar namoyish etdilar. Har bir gol va hujum muxlislarda katta hayajon uyg‘otdi. O‘yinlar yakunida eng faol va g‘olib bo‘lgan jamoalar munosib e’tirof etildi. Sport bilan chiniqqan va intiluvchan yoshlarimiz doimo g‘olibdir! 
Senat “Lotin yozuviga asoslangan o‘zbek alifbosini joriy etish to‘g‘risida”gi O‘zbekiston Respublikasi Qonuniga o‘zgartirish kiritish haqida”gi qonunni ma’qulladi. 2027-yildan 1-sinf darsliklari yangi alifboda chop etilishi aytilgan. Kanalga obuna bo'lish: 
 
“Kelajak soati” darsida navbatdagi mavzu: Inson kapitali nima va nega u muhim? 
 
 Akademik litseyimizda navbatdagi "Kelajak soati" darslari bo‘lib o‘tdi! Andijon davlat texnika instituti akademik litseyining barcha o‘quv guruhlarida yangi haftani ko‘tarinki ruh va yangi maqsadlar bilan boshlash maqsadida an’anaviy "Kelajak soati" darslari tashkil etildi. Dars mashg‘ulotlari davomida guruh rahbarlari va pedagoglar tomonidan o‘quvchi-yoshlarga:  Maqsadni to‘g‘ri belgilash va unga erishishda qat’iyatli bo‘lish;  Zamonaviy bilimlar, xorijiy tillar va kasb-hunar egallashning ahamiyati;  Vatanparvarlik, kitobxonlik hamda odob-axloq qoidalariga rioya qilish bo‘yicha muhim tushunchalar berildi. Samimiy muloqot va qiziqarli savol-javoblar tarzida o‘tgan darslar yoshlarimizga yangi haftada ulkan kuch-g‘ayrat bag‘ishladi.  Bilim sari intilayotgan barcha o‘quvchilarimizga yangi haftada muvaffaqiyatlar tilaymiz!



 

Yangilik / E'lon